Pyrmuo recenzeja par albumu "Reits"!
Asam sajūmuši pyrmū recenzeju par grupys jaunū albumu "Reits". Autors - Guntix.
10:13 (AM)....Reits.....podslādzu pa mozam obejis auss... 90-kys ari vēļ cikmer izakuosej, sakrotūt vysus dziernekļus dzinamikūs.. Īzadarbynoj beidzūt Intro. Pazamūst tai iz reizis jāgā i nasaīt,.. pusmīgā kurta šalc ci jiura, ci zaļīs mežs, ci..... NĀ!!! Tī īkšā ir naskas dzeivs!!! Tai vīgļi gaudoj. Pussapynā radzu: suņeic apmaucs T-kraklu ar uzrokstu "U2"dzīd i tai kai muokūneits, smydzynojūt sausūs teirumus, pļivinej viers golvys.. Tīšom "U2"?! Nui! Nā!!! Es tok navaru sovā smedziņu HDD atrast taidu angļu darbeibys vuordu, kai "pasmaidēt". I tod rikti pa pīri īruove, nu mygys izsvīde, i sapynu izsprydzynuo (kai vuocy, atsakuopūt nu Garīmkolnim, Maltys ups tyltu 44-jā)"TYLTS"! Nui, nui!!! Beidzūt esmu augšamcēlīs i itys skons maņi uzrunoj. Es nazaraustu, es klausūs.... Beidzūt, teikūt pi vasala, skaidra pruota, saprūti lītu patīsū byuteibu - "BEZ PVN - "REITS"". Iļgi gaideits nu vysim Rēznis, Ludzys, Reigys, Londonys i.c. pogostim, ņiu beidzūt ir pīdzims albumeņš.
Pyrmīs, kas kreit acīs, ir tys, ka "bārns" pīdzyma vacs - albuma Covers nūteikti simpatizēs mežabruoļim, jūs muosom i muoseicom. Nu bet tei tok ari ir mierķauditoreja kai ni kai! Par Saturu... Eiss??? Nazynu. Varātu byut, ka kaidam iļgi gaidūt (seši godi, ka nazamoldu) tys lyktūs par eisu - viņ 10 dzīsmes, nu kuruom 2 (intro i outro) nazaskaita . Nā, navar sacēt, ka par eisu - kū gribieši, Jī ir pascieši itamuos 30 ar kapeikom minotuos. Pasacātuo ir daudzi, nūteikti kotram vuordam pamats lykts vysi pādejī 6 godi. Tuos ir dzīsmes par cylvākam myužam svareigū, patīsū - vīgļi uztveramys (koč ar dziļu dūmu) i vītom ar kuoji pa greidu podsytamys. I Viejš motus pa vīnam rausta uorā, i Zuoleite gryb dzeivuot, i Bolts-kluss-navaineigs (interesants personažs
) ir Vēļ tepat. "Buorzdainīs bārns" elpoj! Jis īt da Teve, Jis radeits sovys tautys volūdā. Radeit jau var vysa kū i vysa kai. Ka tik gareigīm tāvim i māmom ir gribeišona i vareišona. "Bez PVN" tei ir! I potence, nazaskotūt iz godim jūprūjom ir augsta. Nav tok Jī vēļ muzykys Dinozauri?! Voi Tu pīkreiti maņ, XXX YYY?
Pyrmīs, kas kreit acīs, ir tys, ka "bārns" pīdzyma vacs - albuma Covers nūteikti simpatizēs mežabruoļim, jūs muosom i muoseicom. Nu bet tei tok ari ir mierķauditoreja kai ni kai! Par Saturu... Eiss??? Nazynu. Varātu byut, ka kaidam iļgi gaidūt (seši godi, ka nazamoldu) tys lyktūs par eisu - viņ 10 dzīsmes, nu kuruom 2 (intro i outro) nazaskaita . Nā, navar sacēt, ka par eisu - kū gribieši, Jī ir pascieši itamuos 30 ar kapeikom minotuos. Pasacātuo ir daudzi, nūteikti kotram vuordam pamats lykts vysi pādejī 6 godi. Tuos ir dzīsmes par cylvākam myužam svareigū, patīsū - vīgļi uztveramys (koč ar dziļu dūmu) i vītom ar kuoji pa greidu podsytamys. I Viejš motus pa vīnam rausta uorā, i Zuoleite gryb dzeivuot, i Bolts-kluss-navaineigs (interesants personažs
) ir Vēļ tepat. "Buorzdainīs bārns" elpoj! Jis īt da Teve, Jis radeits sovys tautys volūdā. Radeit jau var vysa kū i vysa kai. Ka tik gareigīm tāvim i māmom ir gribeišona i vareišona. "Bez PVN" tei ir! I potence, nazaskotūt iz godim jūprūjom ir augsta. Nav tok Jī vēļ muzykys Dinozauri?! Voi Tu pīkreiti maņ, XXX YYY?
Komentāri