„Bez PVN” Latgolys Muzykys festivalā!

24. julī 18 stuņdēs Leivuonūs Začusolā nūtyks Muzykys i teatra festivals

Festivalā ar vīneigū izruodi Latgolā – breivdobys komedeju „Tas trakais Bellacord šovs” – skateituojus prīcēs „Muzykalais teatris 7”. Vokora turpynuojumā iz skatuvis kuops Latgolys Muzykys festivala dalinīki: grupys "Bez PVN", "Borowa MC", "Dabasu Durovys", "Green Novice", Sovvaļnīks. Latgolys Muzykys festivals ir jauna tradiceja, kū paguojušā godā aizsuoka bruoli Juoņs i Atis Auzāni. Festivals pyrma goda raisieja lelu iņteresi, deļ tuo itūgod tys nūteik Leivuonu piļsātys svātku ītvorūs. Bileti iz Muzykys i teatra festivalu nūpierkami Leivuonu Kuļturys centrā i „Bilešu paradīzis” kasēs: īprīškpuordūšonā cena 2 LVL, pasuocīņa dīnā 3 LVL.

Grupai „Bez PVN” ir tys gūds festivalā pīsadaleit ūtru reizi, nu pyrmū reizi (nu tai oficiali) koņcerts bez myusu pučis i basa pavieļneicys Aijis, kas niu iz kaidim mienešim dzeivojuos Spānejis ārēs!